छत्तीसगढ़ राज भारत
रायपुर महादेव घाट में खारुन नदी में गंगा आरती
15 दिसंबर 2021 संध्या नारायण चन्द्राकर , डॉ. पुरुषोत्तम चन्द्राकर पर्यावरण प्रेमी गण
भारत विभूति आल्हा गायन दल
जय हो खारुन दाई
(आल्हा तर्ज)
१. जय हो जय हो खारुन दाई,
तीर मा रायपुर राजधानी बसाय।
कंकाली माई तीर ले निकले,
ठेमा बुजुर्ग मा मंडई कराय।।
कंकाली माई तीर ले निकले,
२. सनोद तीर भाठा मा ठहरे,
अरकार,किकिरमेटा लहराय।
कौही शिव चंडी बिराजे,
गणपति तीर रपटा बंधाय।।
कौही शिव पार्वती विराजे,
३.तरीघाट मा पुरखा के बसेरा,
डोंगा चढ़के बेपारी आय।
ठाकुराइन टोला महाकाल बिराजे,
शिवनाथ धार सावन मा चढ़ाय।।
ठाकुराइन टोला महाकाल विराजे,
४. रइपुर मा महादेव छाहित हे,
पुन्नी मेला मा बेलपान चढ़ाय।
कुम्हारी ले जलधारा भेजे,
अटारी के अागु संगम हो जाय।।
कुम्हारी मा जलधारा भेजे,
५.शिवनाथ मा खारुन माई
आगू महानदी के धार बोहाय।
करम ले बारी,बखरी,बगीचा,
सोनहा धान के बाली लहलहाय।।
करम ले बारी, बखरी,बगीचा,
६.गांव कस्बा नगर बसे हे,
राजधानी मा जिनगी सजान।
तोर दया मया ले माता,
जगा जगा महिमा गान।।
तोर दया मया ले माता
जय हो जय हो खारुन दाई
नारायण चंद्राकर
