* धमतरी(कंडेल) के छात्रा कुसुमलता ल मिलिस प्रदेश टॉप-5 म जगह, जिला म खुशी के लहर 12वीं म 97.40% लेके करिन प्रदेश म पाँचवां स्थान प्राप्त…
* जिला पंचायत सभापति श्रीमती मोनिका देवांगन ह छात्रा के निवास घर पहुंच के ओकर शानदार सफलता बर दीस बधाई अऊ शुभकामना…
बतादेन के कुसुमलता विपरे, जे ह मूल रूप ले गरियाबंद जिला के रहइया आय, वो ह अपन नाना के घर गौरव ग्राम कंडेल म रहिके पढ़ई करत-करत ए सफलता हासिल करिस हवय। सीमित संसाधन के बावजूद घलो वो ह अपन कड़ी मेहनत, लगन अऊ दृढ़ संकल्प ले साबित कर दिस के कठिन परिस्थिति घलो सफलता के रद्दा म रुकावट नई बन सकय।
जिला पंचायत सभापति श्रीमती मोनिका देवांगन ह छात्रा के निवास पहुंच के ओकर शानदार सफलता बर बधाई अऊ शुभकामना दीस। ओमन छात्रा के सम्मान करत ओकर उज्ज्वल भविष्य बर शुभेच्छा जताइन।
ओमन छात्रा के अभिभावक अऊ गुरुजन मन के घलो बधाई दिहिन अऊ कहिन के ओमन के मार्गदर्शन अऊ सहयोग लेच ए सफलता संभव हो पाइस हवय।
ए अवसर म भाजपा मंडल भोथली के अध्यक्ष मिश्रीलाल पटेल, जिला मंत्री हेमंत चंद्राकर, पूर्व गंगरेल मंडल अध्यक्ष ऋषभ देवांगन, वरिष्ठ कार्यकर्ता यतीश भूषण श्रीवास्तव सहित अनेकों जनप्रतिनिधि, स्कूल के प्राचार्य, शिक्षक, परिवारजन अऊ स्थानीय नागरिक मन उपस्थित रहिन अऊ छात्रा के उज्ज्वल भविष्य बर शुभकामना दीन।