रावन फेक्ट्री मं लापरवाही ले महेंदर के जान गिस, क्रांति सेना के दबाव ले परिवार ल 45 लाख, पेंशन अऊ नौकरी मिलिस
क्रांति सेना के कोशिश ले मृतक महेंदर के घरवाली छोटी वर्मा ल 45 लाख रुपिया, जिनगी भर बर मासिक पेंशन, अऊ महेंदर के बेटा ल फेक्ट्री मं नौकरी देय के लिखित कागज तइयार कराके परिवार ल देय गिस।
सेना के नेता मन कहिन –
“बार-बार फेक्ट्री मन मं हमर छत्तीसगढ़िया भाई मन के जान जावत हे, फेर कंपनी प्रबंधन अपन जिम्मेदारी नई निभावत। हर बार परिवार वाले मन मजबूरी मं हमन कती आवत हें।”
क्रांति सेना उठाइस भाजपा अऊ कांग्रेस के ऊपर उंगली, कहिस –
अब जनता के भरोसा सरकार अऊ पार्टियन मं नई रहिस। उगाही अऊ कमीशनखोरी के खेल चलत हे। हमर लड़ई जनता के हक बर जारी रहिही।
ए बेरा म फार्मासिस्ट राहुल वर्मा संयोजक छत्तीसगढ़ युवा क्रांति सेना, गोपाल वर्मा-अध्यक्ष बलोदा बाजार भाटापारा, कंचनदास मानिकपुरी-युवा प्रदेश सचिव, गोपी साहू जिला अध्यक्ष जोहार छत्तीसगढ़ पार्टी रईपुर, टिकेश्वर निषाद अध्यक्ष युवा जिला अध्यक्ष CKS, सुनील वर्मा सहित जोहार छत्तीसगढ़ पार्टी अऊ छत्तीसगढ़िया क्रांति सेना के जन्मों सेनानी मन मौजुद रिहिन।