75 स्वतंत्रता संग्राम के सुरता वंदना
ममतामयी मिनी माता
जन्म – 13 मार्च 1913
निधन – 11अगस्त 1972
१.ममतामयी मिनीमाता के गाथा,
छत्तीसगढ़ के पहिली सांसद आय
सर्वहारा मन के आशा बने,
नारी जागरण उत्थान रहे बगराय
२.अघारी सगोना गांव के चिंता,
अकाल मा माटी ले जावत रहाय
भरे अकाल मा दाई तीन बेटी,
बैलागाड़ी मा स्टेसन आय।।
३.अड़काटी सब मजदूर बिठाये,
रेल मा अघारी ला रहे घुसाय।
छुकछुक गाड़ी जब चले भईया,
किचक खाना रेल मा खाय।।
४.खेलत बड़े बेटी के सांस रुके,
गंगामाई मा काया बिसराय।
हावड़ा पहुंचे उतरके फेर गाड़ी,
दुसर बेटी देह छोड़े नदिया बोहाय
५.देववती ला धर के असम मा,
झोपड़ी मिले जीवन बचाय।
जमीन में रहें बिछौना ऊहा,
बिहिनिया ठेकेदार आके चिल्लाय
६.चाय बगान मा सब जावे,
अघारी ला पानी पचत न रहाय।
बीमार परे काया छोड़े
देववती ला पोटार के रोवत रहाय।
७.देववती के दाई काया छोड़े,
देववती बेटी अऊ अनाथ रहाय।
अस्पताल मा देववती आये,
नर्स काम करत बिहाव हो जाय।।
८. मछरी जैसे आंखी वाले बेटी,
मार्च मे तेरह तिथि रहाय।
मीनाक्षी नाम ले मिनी बोलाये,
स्कूल पढ़ाई मा होशियार रहाय।।९.स्कूल तीर प्रभात फेरी जावे,
मिनी तुरते झंडा धरे नारा बोलाय
विदेशी कपड़ा के होली जराये,
अंग्रेज के करनी ला सुनत जाय।।
१०.घर मा महंत अगमदास आये,
गुरुबाबा गोसाई के बात समझाय
मिनीमाता के जगवारी सुने,
छत्तीसगढ़ मा लाये के बात रहाय।
११.गुलामीकेपीरा चायबगीचा मा
सबला महंत के बात भाय।
छत्तीसगढ़ मा आके बिहाब होवे,
महंत घर सब अब सुराजी आय।।
१२.
प्यारेलालठाकुर प.सुंदरलालशर्मा
डा.खूबचंदबघेलक्रांतिकुमार आय
बाबा अगम दास जगा योजना,
मिनीमाता महिलादल मा रहाय।।१३.सतनाम सार गुरु महिमा,
जेकर रसदा हे अपार।
गुरुगोसाई सत्य अहिंसा,
संगे नारी मा चेतना लाय।।
१४.महंत संगे मिनीमाता जावे,
गरीब शोषित पीड़ित देखत जाय।
अंग्रेज के विरुद्ध बात बतावे,
जुलूस सभा मा समझाय।।
१५.सेविका बनके सबला जोड़े,
गुरु माता के रसदा ला अपनाय।
सूती सादा वस्त्र ला धारण करें,
हर रोज चरखा चलाय।।
१६.देश आजादी ले होवे खुशी,
कानून मंत्री जगा बात पठाय।
छुआछूत नारी जागरन बताये,
जनजन के पीरा अंतस मा समाय
१७.महंत अगम दास सांसद बने,
मिनीमाता संगे बात सुझाय।
बेरोजगारी जल समस्या
ओकर बात संसद तक जाय।।
१८.महंत के बाद चुनाव लड़े,
संसद बनके कई योजना बढ़ाय।
बागों परियोजना लवईया माता,
जनजन सेविका के परनामहोजाय
नारायण चंद्राकर
गीता सदन
मैत्रीकुंज भिलाई
7587143257