पुरखा के सुरता
माता राजमोहिनी देवी
समाज सेविका
जन्म – 7 जुलाई 1914
पुण्यतिथि – 6 जनवरी 1994
१.माता राजमोहिनी देवी,
जनजाति मा सुधार लाय।
गांधीवादी विचार धारा मा चले,
क्रांतिकारी बदलाव रहे लाय।
२.सात जुलाई उन्नीस चौदह मा,
गरीबहा किसान घर बेटी आय।
पिता वीरदास माता शीतला देवी,
राजो फेर रजमन नाम पाय
३.बिना शिक्षा के राजो बेटी,
सुख दुःख सब जगा जाय।
छोटे उमर मा गोविंदपुर मा
रंजीत गोड़ संगे गिरहस्थि पाय।
४.बिन पढ़ाई के कतको दुखिया,
अंधविश्वास संगे रूढ़ी मद्यपान रहाय
पुरुष मन के होवे मनमानी
राजमोहिनिमनकेदिल फटत रहाय
५.अब तो आगू बढ़ना होही,
बीस साल मा गिरहस्थी पराय।
गियान करम के होवे प्रेरना,
गांधीजी के महात्मा जय बोलाय।
६.गुरु मान के सत्य अहिंसा,
हाथ ले काते कपड़ा अपनाय।
अनपढ़ माता शिक्षा बर बढ़े,
अंधियार ले उजियार रहे दिखाय।
७.राजमोहिनी बात ला समझे,
गोविंदपुर मा रोशनी आय।
इसकुल सब लइका पढ़े,
भेदभाव ला रहे दुरियाय।।
८.देश के आजादी मा झंडा,
अब तो राजमोहिनी नाम रहाय।
महिला जागरण मा मिले आजादी
कतको कुरीति बर आवाजउठाय
९.अस्सी हजार रसदा मा संघरे,
अंधविश्वास मांसाहारहटाओबताय
मदिरापान के बुराई समझे
सरकारी फरमान ले अगुवाय
१०.राजमोहिनी के बाते फइले,
उत्तरप्रदेश बिहार मा जाय।
आर्थिक कमजोरी ले आवे,
शराबबंदी ले नैतिकता आय।
११. अठठाईस मार्च तिरपन मा,
पुरुष मन के खिलाफ रहाय।
शराबबंदी मा हो जावे बाधा,
भट्टी मा जाके महिला चंडी रहाय
१२.शासनप्रशासनमाबातहा पहुंचे
शराब पियइया जुर्माना हटाय।
सरगुजा ले खबर जावे,
महिला समाज मा जय बोलाय।
१३.आचार्य विनोवा आये,
संगे राजमोहिनी पैदल जाय।
सरगुजा के सर्वोदय अध्यक्ष बने
कई एकड़ जमीन गरीब पाय।।
१४.आदिवासी सेवामंडल आसरम बने
तेईस आश्रम के संचालन रहाय।
गोहत्या धर्म परिवर्तन बर रोके,
स्वराज के कल्पना रहे बताय।
१५.जीनगी बर देश मा लड़े माता,
देश समाज के कमजोरहा हरसाय।
उन्नीस छैयासी दिल्ली जावे,
इंदिरा पुरस्कार रहे पाय।
१६.नवासी मा फेर दिल्ली जावे,
राष्ट्रपति ले पद्मश्री मान पाय।
देशराज बर सदा लड़ईया,
जनता कारज ले रहे हरसाय।।
१७.छै जनवरी उन्नीस सौ चौरांबे,
राजमोहिनी बीमारी ले उठना पाय
समाज के हित करइय्या माता के।
सरगवास बर सब मया रुक सकलाय
१८.मातामानेगोविंदपुरम में पूजा,
दुर्गा मैय्या जगा मूर्ति बनाय।
कृषि विश्वविद्यालय बनावे,
समाजके मया माता याद हो जाय
नारायण चंद्राकर
गायन देवकुमार देशमुख,
शिवकुमार पटेल एवं साथी
भारत विभूति आल्हा गायन दल
गीता सदन
मैत्रीकुंज,रिसाली(भिलाई)
दुर्ग (छ. ग.)
7587143257