कोदूराम दलित के कविता छत्तीसगढ़ ल जगाय.

पुरखा के सुरता
गुरुजी कोदूराम दलित
जन्म 5 मार्च 1919
अवसान 28 सितम्बर 1967
1 कोदूराम दलित के कविता
छत्तीसगढ़ ल जगाय.
2 गंवइहा सहर में गुरुजी
गा गाके रहे पढ़ाय.
3 टिकरी गाँव में जन्म लिये
पांच मार्च उन्नीस आय.
4 लइका के पढ़ई लिखई
दुरुग म चरचा हो जाय.
5 मंच म गुरुजी ल बुलाये
छत्तीसगढ़ी कुंडलिनी भाय.
6 मुसवा कविता म फटकारे
मिठलबरा के रूप बताय
7 परब म दिया ओरी ओरी
नोनी के महतारी ह जलाय
8 राउत नाचा म दोहा पारे
तन मन थन के बात रहाय
9 गांधीजी के छेरी के दूध ले
बुढवा जवान बन जाय
10 परमारथ सबले बड़का
कविता गाके रहे समझाय
11 अट्ठाईस सितम्बर सड़सठ में
काया छोड़ गुरुजी जाय
12 रह जाना है नाम दुनिया में
करमजोगी के नमन हो जाय.
नारायण चन्द्राकर
गीता सदन पी 25 तिरंगा चउक
अवन्ती उद्यान के पास मैत्रीकुंज
रिसाली भिलाई दुर्ग छत्तीसगढ़
भारत विभूति आल्हा गायन दल
मो 7587143257