पुरखा के सुरता
महान क्रांतिकारी गुंडाधूर
1.गुंडाधुर क्रांतिकारी हा,
डारा मिरी ले संदेश पठाय।
जल जंगल के होवे लड़ाई,
स्वाभिमान बर लड़ईया रहाय।
2.गांव नेतनार के कोइतुर बेटा, माता पिता के सहारा आय
टंगिया धरे धनुष बान चलाये
अंग्रेज ले ओला रीस आय।
3.बीसवीं सदी के चालू होते
रुद्रप्रताप देव राज छीनाय।
दीवान बैजनाथ पंडा बिठाये
नीति चलाये जनता थर्राय
4. दातौन पाना तोरेबर मनाही
बेगारी मा सब काम कराय
बेपारी सूदखोर ठेकेदार ले
राजा घलोक असहाय रहाय
5.राजा के कका कालेंद्र सिंहजी
मौसी सुवर्ण के मया
रहाय
जनता पीरा अंग्रेजी नीति ले
लड़ाई खातिर उदिम लगाय
6.परे अंकाल जमीन छीनागे
खेत मा अन्न के दाना नई पाय
राजा कालेंद्र के बने योजना
उन्नीस सौ नौ मा बइठका हो जाय
7. इंदिरावती तट मा आदिवासी
अधिकार बर बात उठाय
दीवान संगे अंग्रेज अत्याचारी
कानून बंद करो लड़बो कहाय
8.बागा धुरवा वीर मुखिया बने
अभियान बर काल बन जाय
आमा के डारा मा मिर्ची बांधे
डारा मिरी माटी धनुष पहुचांय
9. डेबरी धुर सोनू मांझी हड़मा
मुंडी कलार धानू संगे
रहाय
अंग्रेज जेला अपराधी माने
बाजार मा धावा करबो कहाय
10. दू फरवरी ले पांच फरवरी,
लूट खसोट लगे व्यापारी थर्राय
जमा करे जनता ला बांटे
अंग्रेज के पिछलग्गू सजा पाय
11.अंग्रेज के गेयर अधिकारी
पांच सौ सैनिक रहे भेजवाय
बाइस फरवरी के हल्ला बोल हो
अंग्रेज भागो लुटेरा पिछुवाय
12.बाजार मा जगा जगा मुनियादी
धुरवा ला अपराधी बताय
गुंडा ऐक्ट अंग्रेज बनाके
गुंडा धुर ला कागज पठाय
13.चौबीस मार्च उन्नीस सौ दस मा
इंद्रावती तीर सभा बुलाय
आगू लड़ाई के नीति बनाये
अंग्रेज के सैनिक कुछ नई कर पाय
14.सोनू मांझी अंग्रेज से मिले,
पिया के भेद रहे पाय
फोकट के दारू पिये होवे हमला
अंग्रेज सेना मार काट मचाय
15.जन आंदोलन भूमकाल मा
गेयर डी ब्रेस्ट के कुटिलता रहाय
पांच सौ सैनिक के घेरा जब होवे
चुपके से गुंडाधुर चले जाय
16.जिंदा हो या मुर्दा पकड़ो
ये कटिके अंग्रेज डेरवाय
जनजाति मा जागरन आवे
साहूकार घूसखोर धबराय
17.बाला नाजिर मूरत सिंह बख्शी
रानी सुवर्ण कालेंद्र सिंह सहाय
गुंडाधुर के संगे वीर बंदार रहे
अंग्रेज के हथियार से नई डर्राय
१८. वीर बस्तर के शमशीर धुरवा
साहस ले जनता ला लूट से
बचाय
खेल मा सम्मान पाये खिलाड़ी
वीर सपूत गुंडाधुर नमन हो जाय।
गुंडाधुर क्रांतिकारी हा,
डारा मिरी ले संदेश पठाय।
जल जंगल के होवे लड़ाई,
स्वाभिमान बर लड़ईया रहाय।
नारायण चंद्राकर
गायक परमानंद करियारे
देवकुमार देशमुख,शिवकुमार पटेल
भारत विभूति आल्हा गायन दल
गीता सदन,अवंति उद्यान
मैत्रीकुंज,रिसाली(भिलाई)
7587143257
